Oda e Investuesve Kosovë–Turqi (KTYO) vazhdon t'u ofrojë anëtarëve të saj shërbime ekskluzive me privilegje të veçanta. Në këtë kuadër, në bashkëpunim me Av. Dren Salihu, anëtarëve të KTYO-s do t'u ofrohet mbështetje këshillimi juridik falas.

Zyra Juridike Legalia, e udhëhequr nga Av. Dren Salihu, me përvojën e saj të gjerë dhe stafin e saj ekspert, do të ofrojë mbështetje profesionale për çdo lloj çështjeje juridike me të cilën anëtarët e KTYO-s mund të përballen në botën e biznesit. Legalia Law Firm ka një ekip juridik dinamik të specializuar në të drejtën tregtare, këshillimin e kompanive, legjislacionin e investimeve, kontratat ndërkombëtare, të drejtat e pronësisë intelektuale dhe shumë fusha të tjera.

Falë këtij bashkëpunimi të rëndësishëm, anëtarët e KTYO-s do të kenë si mundësinë të marrin mbështetje nga një udhërrëfyes i besueshëm në proceset e tyre juridike, ashtu edhe mundësinë të zhvillojnë bizneset e tyre në mënyrë më të sigurt duke e ndërtuar planet e investimeve të tyre mbi një bazë juridike të sollikte.

Anëtarët tanë që dëshirojnë të përfitojnë nga shërbimi i këshillimit juridik mund të marrin informacione të detajuara duke vizituar faqen zyrtare të internetit të Zyrës Juridike Legalia ose të caktojnë një takim duke kontaktuar KTYO-në.

Si KTYO, gëzohemi shumë që mbështesim anëtarët tanë të forcohen në çdo fushë dhe t'i zgjerojnë investimet e tyre me siguri. Me këtë bashkëpunim, do të vazhdojmë të ofrojmë mbështetjen juridike që i nevojitet botës së biznesit në mënyrën më profesionale.